|
|
|
|
Clár Forbairte Inghairme do Mhúinteoirí agus Bainistíocht i Réamhscoileanna don Lucht Siúil
Réasúnacht
Thar na deich mbliana is a chuaigh thart, tá leathnú tagtha ar an aitheantas maidir leis an ngá suíomh oideachasúil an Luchta Taistealaithe laistigh de shochaí na hÉireann a fheabhsú, go háirithe oideachas sna luathbhlianta.
Tá thart ar 52 réamhscoil don Lucht Taistealaithe a lónaíonn níos mó ná 350 dalta á maoiniú ag Roinn an Oideachais agus Eolaíochta. D’aibhsigh cáipéisí polasaithe a rinneadh le gairid, ina n-áirítear an Páipear Bán ‘Ready to Learn’ (DES, 1999) an gá chun luath-oideachas ardchaighdeáin a fhorbairt d’uile pháiste, ach béim a chur go háirithe ar pháistí faoi mhíbhuntáiste oideachasúil, páistí an Luchta Taistealaithe ina measc. Bunaíodh an Lárionad um Fhorbairt agus Oideachas na Luath-Óige chun seo a réadú. Ba ceann de fheidhmeanna an Lárionad ná ‘soláthar do pháistí faoi mhíbhuntáiste agus páistí le riachtanais speisialta a chomhordú agus a thréisiú’. (Clár Oibre, 2001, lch. 5). Sainaithníonn Clár Oibre an Lárionad (CECDE, 2001) gur ceann de na bunghnéithe i gcáilíocht oideachas na luath-óige ná ceist cáilíocht agus oiliúint na foirne. Léiríonn an Tuarascáil Náisiúnta um Meastóireacht ar Réamhscoileanna don Lucht Taistealaithe (DES, 2003) riachtanas suntasach maidir le hoiliúint inseirbhíseach i measc na múinteoirí agus baill choistí bainistíochta na réamhscoileanna seo araon.
Taighdeoir / Institiúid / Eagraíocht
CME/Páirtíocht Bharnardos
Cur Síos Gearr ar an dTaighde
Is í cuspóir an tionscadail seo clár forbairte inghairme do mhúinteoirí agus comhaltaí na gcoistí bainistíochta i Réamhscoileanna don Lucht Siúil a fhorbairt agus a chur i bhfeidhm. Spreagfaidh sé forbairt cleachtais agus scileanna dóibh siúd atá ag obair i Réamhscoileanna don Lucht Siúil agus beidh an measúnú ina chomhchuid de i dtreo is go n-éascófar le hoiliúint agus le forbairt inghairme a bheidh dinimiceach, leanúnach.
Is féidir an tuairisc seo a íoslódáil ina iomláine anseo.
Amharc ar an Achoimre Feidhmiúcháin anseo nó cur fios orainn chun cóip foilsithe a fháil.
|
|
|
